40 taona ny LMA : vita soa aman-tsara !
LMA : FANKALAZANA NY FAHA-40 TAONA
tao ANTANANARIVO
Vita soa aman-tsara ny fankalazana ny faha-40 taona ny LYCEE MODERNE AMPEFILOHA , tany Madagascar tamin'ny Sabotsy faha-10 Jiona lasa teo.
Ireto ary ny soratra sy sary eo am-pelatànana mikasika ny korana izay niarahan'ny maintimolaly, ny mpitantana, ny mpandraraha, sy ny Ray aman-drenin'ny mpianatra nikarakara. Mbola manantena sary fanampiny isika satria maro tokoa ny namana nanatrika izany fankalazana izany
Soratra avy amin'i NY EJA : (miaraka amin'i RA-BEPC eto amin'i sary. Ampatsiahivina fa i RA-BEPC no nanome antsika ireny sary taloha ireny ka isaorana betsaka izy)
Tamin'ny 2ora katroka no nanomboka ny korana "Dejeuner Dansant " izay fankalazana ny faha 40 taona Lycée Moderne Ampefiloha, tamin'ny toerana mihaja dia mihaja mendrika tanteraka tokoa no nanaovana ny fety:
"Akany Soa Fonenako"
tànàna iray miravaka voninkazo sy trano fanaovana lanonana tonga lafatra , no nandray ireto vahiny mianjaika.
Ireo ny hôtesses nandray ny tapaka sy namana tonga nanome voninahitra izany faha- 40 taona izany !
Teny ampidirana dia efa azonay antoka fa fahafam-po tanteraka ny fety satria na dia naheno izato mozika maredona sy mahafinaritra nataon'ny tarika matihanina "Melo dihy " fotsiny aza dia ampy hitokianay fa hikorana marina izahay .
Rehefa natao ny fampafantarana ireo manampahefana mpandrindra ao amin'ny lycée Ampefiloha , dia nandray anjara tamin'ny kabary ny talean'ny LMA amin'izao fotoana izao, ary naneho ny fisaorana sy fankasitrahana ny mpanotrona izay tonga maro be satria dia feno hiboka ny trano izany mahazaka eo amin'ny olona 600 eo ho eo .
"Ny afindrafindrao tsy azo avela" no nanamarika ny fidirana teo amin'ny dihy ary ka kely na lehibe dia nandihy avokoa, tsy nahitana toerana intsony ny seza fa dia nitsangana ny olona rehetra nanome voninahitra izany fanombohana izany.
Nanome voninahitra ity lanonana ity i :
RAMBELOSON LAURENT
CHEF de CABINET du PRESIDENT du SENAT
Isan'ny mpianatra voalohany tao amin'ny LMA izy . Izy sy ny filoha SENAT ankehitriny no nanokatra ny lycée Ampefiloha tamin'ny taona 1966.
Korana feno fifaliana ka dia tsy diso anjara ny tanora sy ny lehibe , eny fa na dia ireo zokinjokiny aza, fa nankafy tanteraka ny dihy malazan'ny tanora amin'izao fotoana izao dia kilalaka sy ny sisa ...
Raha ny sakafo no asian-teny
dia aoka fotsiny fa dia voky tanteraka izahay, na teo amin'ny fandrindrana , na teo amin'ny tsiro na teo amin'ny endriky ny sakafo dia matihanina no nanao azy .
Nampiavaka ity faha 40 taona ity ny fandraisan'anjara mavitrika teo amin'ny kilalao karazany irony envellope surprise irony fa saingy briquet no nanaovana izany, maro be ireo orin'asa nanohana ity fety ity ary nanome loka izay nahazahoana milaza fa dia tsara rindra sy tsara fandaminana ny fetin'ny LMA .
Tamin'ny 6ora sasany no nifarana ny lanonana mbola nisy ny fanomezana vola isaky ny latabatra ka izay nanome be indrindra dia mahazo loka nataon'ny mpandrindra ny fety LMA ka nahazo ny loka voalohany ny latabatry ny AALMA tamin'ny vola betsaka indrindra nataony , nahazo Gateaux avy any amin'ny orin'asa MADELICE izy ireo tamin'izany
(NY EJA)
Soratra avy amin'i RAZAKAMANANTSOA Gustave- Filohan'ny ALMA - MADAGASCAR (sary eto ambany)
Vita soa aman-tsara ny fankalazana ny faha 40 taonan'ny Lycee ,ary nofaranana tamin'ny dejeuner dansant, tsy nitsanga-menatra isika tami'izany fa dia niara nisalahy tamin'ireo mpiandraikitra rehetra hatramin'ny volana desambra 2005 ka hatramin'izao.
Tsy noraisin'ireo Tompon'andrakitry ny Lycee ho vahiny isika fa dia hita fa tompon'ny Lycee tokoa ny Anciens ary manana andraikitra maro hatrany amin'ny fitaizana ireo mpianatra ankehitriny.
I Rambeloson Christian
(eo amin'ny ankavihy)
no solon-tenantsika ao amin'ny Conseil d'Etablissement ary manaraka akaiky sy manapaka hevitra momban'ny fiainan'ny Lycee @ anaran'ny maintimolaly, mitovy laharana amin'ny FRAM (Fikambanan'ny Ray Aman-drenin'ny Mpianatra)
Misaotra betsaka amin'ny hevitrareo ex-LMA - FRANCE hampitaovana an'Lycee amin'ny Ordinateurs sy ny kojakoja momban'izany. Tena ao anatin'ny laharam-pamehan'ny Lycee tokoa izany satria ny vola azo tamin'ny lanonana rehetra natao tamin'iny 40eme iny dia ho entina hampitaovana ny CDI ( Centre de Documentation et d'Informations) na ilay antsoitsika hoe 'Bibliotheque' fahizay.
Efa misy efitra tokoa natokana ao ho asiana Ordinateurs, saingy ny efitra no misy fa ny ordinateurs no mitady.
(Gustave RAZAFY )
Isaorana manokana koa Rtoa RABETRANO Marcelle,
nandefa e-mail fampaherezana ho an'ny ex-LMA - France sy ity blog ity. Marihiny tokoa fa ity blog ity dia natao ho an'ny ex-LMA rehetra tsy misy ankanavaka, na mpandraraha, na mpitantana, na mpampianatra, na ny mpianatra.
Araka ny soratr'io Mpampianatra zava-boary (Sciences Naturelles) hoe :
"...Vita soaman-tsara tokoa ny fety fanakatonana ny faha 40 taona ny LMA teny Mandrosoa Ivato. Ary azo lazaina fa dia sady nahafinaritra no nahitana fahombiazana tanteraka tamin'ny lafiny rehetra. Koa maro ireo Mpampianatra sy Mpandraharaha no nangataka sahady ny Alatsinainy nanaraka ny hoe hamerenana azy indray!!!! "
Ka dia ho tratry ny fankalazana manaraka daholo ny ex-LMA rehetra e!
____________________________________
Eo am-piandrasana ny sary sy soratra manaraka, dia mbola mamerina ny fisaorana an'i :
- Rtoa Rabetrano Marcelle
- Benja (nandefa ny sary),
- Ny Eja sy Gustave (soratra sy fanazavana)
Joyce